Эрвин Штриттматтер
(1912 — 1994)
БНАГУ-ын нэрт зохиолч Эрвин Штриттматтер 1912 оны наймдугаар сарын 14-ний өдөр Шпрембург хотноо төрөөд бага насаа хөдөө тосгонд өнгөрөөжээ. Чингээд эцгийнхээ нэгэн адил талхчины мэргэжил эзэмшиж хожим нь гуанзны үйлчлэгч, адуу маллагч, хөтчийн ажил хийж явжээ. Дэлхийн хоёрдугаар дайны дараа үеэс эхлэн орон нутгийн сонины идэвхтэн сурвалжлагчаар ажиллаж өгүүлэг, найруулал бичиж эхэлсэн бөгөөд 1950 онд «Шар хөтлөгч» хэмээх анхныхаа романыг хэвлүүлжээ. 1953 онд өгүүллэгийн нь түүвэр хэвлэгдэж «Катцграбем тосгон» хэмээх жүжгийг нь Бертолд Брехт найруулан тавьсан бөгөөд энэ жүжгийг бичсэний учир анх удаагаа үндэсний шагнал хүртсэн байна. Үүний дараа «Тинко», «Пони Педро» «Гайхамшигт үйлстэн» зэрэг роман зохиол хэвлүүлсэн бөгөөд «Тинко», «Оле Бинкоп» романыг бичсэний учир 1955, 1964 онд үндэсний шагнал хүртжээ. Штриттматтер нь БНАГУ-ын Шинжлэх Ухааны Академийн гишүүн бөгөөд 1959 онд БНАГУ-ын зохиолчдын эвлэлийн нэгдүгээр нарийн бичгийн даргаар сонгогдсон юм. Түүний бие Гфанзее хэмээх тойргийн Долгов тосгоноо голцуу сууж бүтээлээ туурвидаг бөгөөд тэндхийн хөдөө аж ахуйн үйлдвэрлэлийн нэгдлийн гишүүн болой.
эх сурвалж: "Оле Бинкоп" УБ, 1974, номоос
Дэлгэрэнгүйг Wiki-гээс
