ЦАХИМ НОМ

И. Цэрэнжамц

Ишдоржийн ЦЭРЭНЖАМЦ (1943-...)

Монгол Улсын Соёлын гавьяат зүтгэлтэн, Монголын Зохиолчдын Эвлэлийн шагналт зохиолч, яруу найрагч, хошин шог зохиолч, орчуулагч И. Цэрэнжамц 1943 онд Завхан аймгийн Сантмаргац суманд төржээ.
1962 онд СЭЗ Техникум,1966 онд МУИС төгсөж ня-бо эдийн засагч болсон. Мэргэжлээрээ ажиллахын хамт 1989-1994 онд “Тоншуул” сэтгүүлд утга зохиолын ажилтан, 1994 оноос “Инээдмийн дугараа” сонины эрхлэгчээр ажиллаж байжээ.

Зохиолч И.Цэрэнжамц нь 1960-аад оноос уран бүтээлийн гараагаа эхэлж хошин яруу найраг, өгүүллэг, тууж, жүжиг, дуурь зэрэг бүх төрлөөр зохиол бүтээлээ туурвисан байна. Ялангуяа “Хошин өргөө”, “Хүрэл инээмсэглэл”, “Уянгын хошин холбоо”, “Уран шор” зэрэг номууд нь хошин шогийн шилдэг бүтээл болсон төдийгүй М. Ю. Лермонтов, М. Задорнов нарын бүтээлийг орчуулж эмхэтгэн хэвлүүлжээ. И.Цэрэнжамц нь “Тоншуул” сэтгүүлд ажиллаж байхдаа 1988 онд “Учиртай инээд” хамтлагийг үүсгэн байгуулж тэр үеийн аймгийн намын хороодын урилгаар хөдөөгийн ная гаруй мянган хөдөлмөрчдөд тоглосон байна. “Учиртай инээд” хамтлаг монголд тайзны хошин урлаг бий болох анхны суурийг тавьсан юм.

1998 онд “Хүрэл инээмсэглэл”, "Хошин өргөө” номоороо МЗЭ-ийн шагнал, 2005 онд М.Цэдэндоржийн шагнал авчээ.

НОМУУД:
Цэнхэр агь. Шүлгүүд. УБ. Улсын хэвлэл. 1977
Үүл нүүсэн хөх тэнгэр. Шүлгүүд. УБ. 1980
Хошин өргөө. УБ. Улсын хэвлэл. 1983
Хүрэл инээмсэглэл. Шогууд. УБ. 1989
Өрлөн цод. УБ. Улсын хэвлэл. 1992
Уянгын хошин холбоо. УБ. Улсын хэвлэл. 2002
Инээдмийн товчоо. 2 боть. 1998.2003
Цонхны хүн. Шүлгүүд. 2006

Зохиолч (орчуулагч)-ийн номууд

Өнөөдөр: 549
Сүүлийн 7 хоног: 40953
Сүүлийн 1 сар: 248336
Нийт хандалт: 9734602