ЧУЛУУНЫ АЛТАНГЭРЭЛ
(1915 - 1972)
Төвөдөч эрдэмтэн Ч. Алтангэрэл хуучны Түшээт ханы хороо, одоогийн Улаанбаатар хотын Сонгино хайрхан дүүрэгт төржээ.
Бага наснаасаа төвөд, монгол бичиг үзэж, буддын ухаанд суралцжээ. 1934—1954 онд бичиг үсэг, тоо бодлогын курс, санхүүгийн сургууль зэрэг газарт суралцаж бас ажиллажээ.
Ч. Алтангэрэл нь 1955—1961 онд Улсын номын санд Европ, Азийн ном бүртгэх ажил, 1961 оноос хойш Хэл зохиолын хүрээлэнд эрдэм шинжилгээний ажилтан - төвөдөч мэргэжилтнээр ажиллажээ.
Ч. Алтангэрэл нь Монголын утга зохиолын онолын сэтгэлгээний уламжлал Дандины “Зохист аялгууны толь”, түүний монгол тайлбаруудыг судлахад ихээхэн хувь нэмэр оруулжээ.
