Гонсүрэнгийн. Бидэрьяа
Г. Бидэрьяа 1914 онд Түшээт хан аймгийн Түшээт Эетээ бэйлийн хошуу, одоогийн Дундговь аймгийн Өлзийт сумын хоёрдугаар багийн нутаг “Цагаан хоолой” гэдэг газарт төржээ.
1924 оноос Богд хан уулын аймгийн Хоёр-Өлзийт уулын хошууны Намын товчлох хороонд ажиллаж, улмаар Тогос, Мөнгөнморьт, Баяндэлгэр сумдад бичиг үсгийн багш, Төв, Өмнөговь аймгийн Намын хороонд бичээч, Өмнөговь аймгийн Манлай сумын анхны хоршооны нягтлан бодогч зэрэг ажил хийх зуур нягтлан бодох, сэтгүүлчийн курст суралцаж, улмаар Москва хотод КУТВ (Дорно дахины хөдөлмөрчдийн коммунист их сургууль) төгссөн байна.
1939 оноос «Залуучуудын үнэн» сонинд эрхлэгч, 1941 оноос «Үнэн» сонины сонин гаргагч, мэдээ боловсруулагч, сурвалжлагч, утга зохиолын ажилтан, тасаг, хэлтсийн эрхлэгч зэрэг ажлыг 31 жил тасралтгүй хийжээ. Энэ хугацаанд сонины бичлэгийн бараг бүх төрөл, зүйлээр олон зуун материал бичсэний дотроос «Анхны хоршоо», «Арван жил өнгөрөхөд», «Сэртийсэн дамшгуудыг ээ» гэх зэрэг найруулал, өгүүллүүд нь сэтгүүл зүйн шилдэг бичлэгийн сан хөмрөгт баттай орсон юм.
Г. Бидэрьяагийн нийтлэлийн «Намуу цэцэг», «Хар салхи», «Танайхаар сонин юу байна?» зэрэг ном хэвлүүлсэн юм.
Эх сурвалж: “Л.НОРОВСҮРЭН “СЭТГҮҮЛ ЗҮЙ” (21 боть зохиол)-ийн VII боть “МОНГОЛЫН СЭТГҮҮЛЧИД-1”-ээс
