Чин зоригтны учиргүй зүрхтэйг магтан дуулна уу?
Чин зоригтны учиргүй зүрхтэй нь амьд явахын мэргэн билэг мөн! Зоригт шонхор оо! Дайсантай тулалдаж цусаа чи урсган шавхав... цагаа болоход оч шиг халуун цусны дусал чинь, аж төрөхийн харанхуйд гялалзан, гэрэлтэй саруул, эрх чөлөөтэйг тэсгэлгүй хүсэхийн галыг зоригтон олон зүрхэндээ бадруулна!
Чи үхэвч — чин зоригтон, их зүрхтний дуунд чиний бие үлгэр дуурайл болж, гэгээн гэрэлд, эрх чөлөөтэйн эрхэмсэг ихэмсэг уриа болж явна.
«Чин зоригтны учиргүй зүрхтэйг магтан дуулна уу!?»
