Зохиолч: А. Рыбаков
Орчуулагч: Хатагин Г. Аким
Ангилал: Оросын уран зохиол
Хэвлэлийн газар: БНМАУ-ын Ардын боловсролын яамны хэвлэл
Автобаз манай сургуулиас холгүй, зэргэлдээх гудамжинд байдаг юм. Ангийн цонх онгорхой байхад моторын чимээ бидэнд сонсогдоно. Ачааны болон ачаагаа өөрөө буулгагч машинууд ажилдаа гарч байгаа нь тэр ээ. Энэ машинуудаар Москвагийн барилга, барилга руу материал зөөдөг билээ.
Бааз манай сургуулийг шефлэн авсан юм. Иймээс үйлдвэр сургалтын хувьд манай сургууль райондоо хамгийн сайн нь билээ. Бусад сургуулийнхан авто техникийн танхимыг маань ирж үздэг юм.
Бид Газ-51-ээр машин жолоодож сурч байгаа бөгөөд түүнийг мөн л бааз бэлэглэсэн билээ. Зарим хүүхэд тэр ч байтугай машин барих эрхийн үнэмлэхтэй. Түүнийг «залуу жолоочийн үнэмлэх» гэдэг. «Хүүхдэд зориулсан зам дээр машин жолоодох эрхтэй...» гэж түүнд бичсэн байдаг. Яг тэгж бичсэн байгаа.
