Оросын агуу зохиолч Михаил Шолохов «Хүний хувь заяа» өгүүллэгээ 1956-1957 онд бичиж «Правда» сонины 1956 оны 12 сарын 31 - 1957 оны 1 сарын 1-ны дугааруудад анхлан хэвлүүлжээ.
Өгүүллэгийн санааг зохиолч бодит амьдралаас бодит хүний дүрээс олжээ.
1946 оны хавар ан хийж явахдаа Шолохов өөрийн гунигт түүхийг ярьж өгсөн хүнтэй уулзжээ. «Би үүнийг заавал зохиол болгоно» гэж амалсан Шолохов 10 жилийн дараа, Хемингуй, Ремарк, гадаадын бусад зохиолчдын бүтээлтэй танилцсаны дараа уг өгүүллэгийг долоо хоногт бичжээ.
1959 онд уг өгүүлэгээр зөвлөлтийн найруулагч Сергей Бондарчук ижил нэрт кино найруулан тавьж өөрөө гол дүрд нь тоглосон нь Москвагийн кино наадмын тэргүүн шагнал хүртжээ.
