Зохиолч: Азиз Несин
Орчуулагч: Т. Содномдаржаа
Ангилал: Шог хошин турк уран зохиол
Хэвлэлийн газар: Улсын хэвлэлийн газар
— Хэргийн хамаг учир үүнд байгаа нь тодорхой байна гээд сэвхт толгой дохиж, бидний зорилт бол галзуу хүнийг дахин сонгохгүй, бусдад нь нялзаахгүй байх явдал мөн гэхэд нь,
— Урьдах нь бас л эрүүл биш хүн байсан даа гэж бүдүүн тарган эр нэмж хэлэв.
— Ер нь миний мэдэх улс цөмөөрөө эрүүл биш байсан юм даг гэж нөгөө нэгнийг өгүүлэхэд
— Хэрэв тийм л юм бол сайн бодоцгоож, эцэст нь нэг эрүүл саруул хүн сонгоцгооё, гэж залуу нэлээд ухаалаг хэллээ.
— Тэгээд тэд чинь биднийг сонгож байх үед эрүүл саруул л байдаг юм даа, гээд хавчуур шилт гараараа зангаж тийм ээ, тэд чинь ухаантай, цэцэн хүмүүс байсан юм даг. Гэтэл тэдгээр ухаантан маань хамгийн тэнэг болчихсон юм гэхэд нь,
— Ээ аллах тэнгэр минь тэтгэж хайрла, ямар гай ирэхээрээ тэр суурин дээр сонгогдсон хүн бүр эрүүл саруул ухаанаа алддаг юм бэ хэмээн хатангир өвгөн хахан цацан залбирна...
