Зохиолч: ГАЛИДАСА
Орчуулагч: Б. Ринчен
Ангилал: Шүлэг, найраглал Энэтхэг зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Сэрэмж алдсан нэгэн ягчис, хилэнт эзний бошго зарлигаар
Сүр жавхлангаа бууруулан, үзэсгэлэнт амрагаасаа жилээр хагацаад
Сэтгэлд тааламжит гүнжийн угаалд ариудсан мөрний ойр,
Сүүдэр төгөлдөр галбарбаасан модот Рамын уулнаа суун авай.
Амраг хонгороосоо олон сар хагацан уйдаж суусаар турж,
Алтан бугуйвч царвуунд тогтохгүй, Бүрвасад сар төгсөх өдөр,
Агуу заан, соёогоор уул мөргөн наадах мэт бөхийсөн
Алсын үүл, уулын оргилд налан наалдсаныг ажин үзвэй.
Эрдэнэсийн эзний дагагсад, түүнийг ширтэн, удтал зогсож,
Элэг эмтрэн, нулимс барьж ядан, тэсгэлгүй гуньхран уйтгарлав
Энх жаргалтан ч, үүл үзээд сэтгэлд гунил төрөх атал,
Энхрий янагаа тэврээсэй гэж хүсэгч зовлонтыг хэлээд яах вэ?..
