Арзайсан улаан асгад нь
Аргаль угалз нутагласан
Будан манан татсан
Буга согоо идээлсэн
Хараатайхан газар бүхэнд нь
Халиу булга бужигнасан
Саглагар их модонд нь
Cap, ёл цугларсан
Хөвч үргэлж нуруутай
Хөндий тал олонтой.
Давхар далан хангай
Ташир тавин хангай
Жаран өнгийн цэцэг
Жалга дэвжээр дэлгэрсэн
Жигүүртэн олон шувууд
Жарган цэнгэж байдаг
Рашаан булаг оргилсон
Арван хоёр мөрөнтэй
Алтай хангайд нутагтай
Түмэн отог тайчуудтай
Түшигт баатар гэж байжээ.
Энэ Түшигт баатрын
Энхрий хонгор үр нь...
