Даян Дэлхийн шинжлэх ухааны тусын тулд өгөөмөр бэлэг барьж өөрийнхөө санг үүсгэн үлдээсэн Альфред Нобелийг нэхэн санаж, шинжлэх ухаанд эдүгээ хүртэл тус сангийн хүртээсэн хишиг буяны төлөө талархах ёстой гэсэн сэтгэгдэл хамгийн түрүүнд төрж байна.
Улмаар энэхүү буянт үйлсийг чин сэтгэлээсээ, бас өөрсдийн дэмжлэг, оролцоогоор урамшуулан хөгжөөж, түүнийг дэлхийд хосгүй, шинжлэх ухааныг хөхиүлэн дэмжихийн давтагдашгүй үлгэр дуурайл болгож ирсэн Эрхэм дээд Вантан хийгээд гэр бүлийнхэнд нь халуун талархлаа дэвшүүлэхийг хүсэж байна. Түүхийг нэвт шувт хараачлан үзвээс энэхүү эрхэм үйлс Дундад зууны үед ромчууд яруу найрагчдыг ёслол төгөлдөр хүндэтгэж, алдрын титэм асаадаг байсантай л зүйрлэхүйц эрхэм дээд хүндэтгэл юм. Энэхүү хүндэтгэлийг хүртэгсэд өнөөдрийн энэ сүр жавхлангийн өмнө даруухнаар харцаа буулган, бид чухамдаа бие хүмүүс гэхээсээ илүүтэй Үнэнийг эрхэмлэгч агуу их чин эрмэлзлийн төлөөлөл болж ийн хүндлүүлж байна хэмээн хэлэх учиртай буй заа...
