Зохиолч: Кришан Чандар
Орчуулагч: О. Сүхбаатар
Ангилал: Энэтхэг зохиол
Хэвлэлийн газар: Улсын хэвлэлийн газар
Хүн газрыг уудалж малтахад газар хамаг эрдэнэсээ дэлгэж өгдөг билээ. Хэдий тийм боловч зарим үед хүн гэгч хүсэн мөрөөдсөн зүйлээ газраас цөхөртөл эрэн малтдаг бөгөөд тэр нь талаар өнгөрөх нь ч буй. Чингээд буруугаа газарт тохох явдал ч гардаг. Харамсалтай нь газарт юуны буруу байх сан билээ.
Газар дэлхий өөрийнхөө хувьд хүний хүсэл бүхнийг бүрнээ биелүүлж ирсэн юм. Учир нь эх дэлхий гэдэг угаасаа хүнд өгөөж хишгээ хайрлагч хайртын нэгэн буюу. Гэвч олонх этгээд газар дэлхийг ердөө л хоосон шороо хэмээн ойлгодог талтай. Ингэж бодохын учраас хүсэл эрмэлзлээ газар шороонд булж орхидог байна...
