Зохиолч: Алексей ТОЛСТОЙ
Орчуулагч: Ц. ДААГАА
Ангилал: Түүх Оросын уран зохиол
Хэвлэлийн газар: Улсын хэвлэлийн газар
Рощин, Катягийн турьхан гарыг атгаж жаргасан нарны улаан туяа арай л тасраагүй байхад үдшийн цагт хөл үймээн дарагдсан өргөн гудамжаар аяархан алхалж явахдаа: — Екатерина Дмитриевна минь он жил өнгөрч, дайн байлдаан намжиж, хувьсгал шуугьж өнгөрсний дараа зөвхөн таны бяцхан, нинжин, хайрт зүрх л шатаагүй үлдэнэ... гэж ярив.
Том байшингуудын нээлттэй цонхоор хөгжилтэй яриа, маргаан, хөгжмийн эгшиг сонстоно. Өнөөх хувин барьсан бөгтөр хүн маань бас Катя, Рощин хоёрыг гүйцэж, зарлал нааж байхдаа, эргэж харна. Уранхай сийрсэн малгайн дороос тэр хоёрыг үзэн ядаж зэвүүцсэн нүд гялалзан дүрэлзэж байв.
