Зохиолч: Хаяси Кёко
Орчуулагч: Д. Гонгор
Ангилал: японы уран зохиол
Хэвлэлийн газар: Улсын хэвлэлийн газар
Буйлс моддын булбарай шар хонгорцог зун цагийн салхины аясаар найгана. Түүнийг харвал шошийнх шиг саглагар өтгөн, эрвээхэй адил хөнгөхөн ажээ. Тэр модны доор Вакако сууна. Түүний үс нь сэгсийжээ. Зэргэлдээ нь ягаан палаажтай бяцхан охин гараа алдлан хэвтэх нь аль хэдийн нас барсан аж.
— Яг л хүүхэлдэй шиг, хэчнээн хөөрхөн амьтан бил ээ!
Гэвч гижигдсэн юм шиг инээмсэглэсэн царай, ягааран харагдах хацар нь амьд байсны тэмдэг болон үзэгдэх боловч нүдэнд нь өт язганаж, амыг нь тойрон шоргоолж давхилдана. Гар хүрвэл арьс нь хууран унана.
Тавьсан газар нь тос даан харлан гялалзана. Салхи салхилаад жаалын богино үс аясаар нь хийснэ. Ийнхүү өдрөөс өдөрт хүүхдийн цогцос тавьсан газраа уусан шингэж, цагаан буйлс модны хүнд хонгорцогт хүч сэлбэх ажээ.
Цунэ цаг ямагт ингэж зүүдэлнэ...
