Зохиолч: Халлдоур Стефанссон
Орчуулагч: X. Гунгаажав
Ангилал: Гадаадын уран зохиол
Хэвлэлийн газар: Улсын хэвлэлийн газар
Цаг үе өнгөрч хот улам өсөж, өргөжсөөр байлаа. Баруун захад оршдог бараан жижиг байшингууд өндөр барилгын дунд ширгэж алга болов. Шинэ барилга барьж гүүр тавихын тулд олон жижиг байшинг нураажээ. Энэ жижиг байшингийн хүмүүсийг хүн амьтнаар дүүрсэн хөх далай биедээ шингээв. Тэд бие биетэйгээ адил болж өөрсдийн онцлог талаа алджээ. Хааяа нэг сонинд гарсан товч тэмдэглэл буюу радиогоор уншсан богино нэвтрүүлэг бидний оюун ухаанд хотын баруун захад байсан хүмүүсийн дүрийг агшин зуур санагдуулна. Тэгээд цаг амархан өнгөрснийг олж мэдэх болно. Заримдаа бас мартчихаад яарч тэвдэж байгаад цагаа харахад хожимдсон байдаг. Гэвч энэ агшин зуурын үзэгдэл өнгөрч дахин амь орсон дүр царай ламын уйтгарт дуу мэт манангийн цаана орж алга болно.
Йон Йонссон хотын хамт өссөөр байлаа. Бьёрг түүнд Дөрвөн жижиг Йонссоныг бэлэглэв...
