Зохиолч: АРВЕ МУЕН
Орчуулагч: X. Гунгаажав
Ангилал: Гадаадын уран зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Ханс хүү таван нас хүрмэгц, том хүмүүс их хачин улс юм, ертөнц гэдэг чинь их нарийн зохион байгуулалттай юм гэж гэнэт нэг өдөр бодож олжээ. Үүнээс урьд үл ойлгогдох зүйл тохиолддог байсан боловч энэ бүхнийг ээжээсээ лавладаг байсан бил ээ.
Ээж нь юм бүхнийг мэддэг, ярьсан бүхэн нь үнэн зөв байдаг байв. Гэтэл харин одоо ээжийнхээ хийсэн зүйлийг Ханс бүр учрыг нь олохоо байж толгой нь эргэж орхижээ. Ханс муураа тэвэрч аваад цэцэрлэгийнхээ дуртай буландаа суун бодож эхлэв. Бодсоор байтал бүр толгой нь дүүрэх шиг болов.
Өнгөрсөн зун ээжийнхээ хамт хотод эгчийндээ очиж дайлуулснаа Ханс дурсан бодно...
