Зохиолч: П. П. Бажов
Орчуулагч: У. Дамдинсүрэн
Ангилал: Оросын уран зохиол
Хэвлэлийн газар: Улсын хэвлэлийн газар
Урьд баярын үеэр талцаж зодолдох заншил заводод тогтжээ. Өнөөдөр нэг захад, маргааш нөгөө захад, нөгөөдөр нь бас нэг захад үзэлцэж, хүн бүр үзэж болохоор зугаалдаг байжээ.
Юм мэдэхгүй, бас уйдахдаа ийнхүү бие биеийг зодож нүдэж байсан нь урьдын тэнэг явдал гэж одоо зарим хүн үздэг. Тийм ч байж болно. Гэвч эрдэмгүй төрж, бичиг үсэг заалгаж үзээгүй хүнийг ингэж зэмлэх нь юу вэ. Мэдэх чадахынхаа хэрээр л наргиж зугаалж байсан нь тэр билээ. Үнэнийг хэлэхэд, ерийн зодоон цохион биш, дүрэм журамтай, урьдаас бэлтгэл хийдэг тулалдаан байсан юм.
Хоёр тал болж тулалдаан эхлэх газарт тиг татаж, түүнээс хоёр тийш нь хорь буюу илүү алхам хэмжиж ар талын зураас зураад тулалдааны талбар гэж нэрлэнэ. Талбарт нэг ч хүнийг босоо үлдээлгүй арын зураас өнгөртөл шахаж чадсан талыг хожсонд тооцдог байжээ. Хоёр талын хүний тоог нарийн тогтооно.
Ойр хавиасаа дуртай хүнийг авч болно...
