Зохиолч: Петер Илемницкий
Орчуулагч: Г. Дашдаваа
Ангилал: Гадаадын уран зохиол
Хэвлэлийн газар: Улсын хэвлэлийн газар
Бослогын сүүлчийн өдрүүдийг дурсахгүй өнгөрч болдог ч болоосой. Ухаан санаанаасаа авч хаяад ахин санахгүйгээр мартчих юм сан! Тэгвэл ургамлын үндэс, булцуу намраас эхлээд урин хаврыг иртэл өвөлжин нойрсдогийн адилаар алгаа дэрлээд амар тайван нойрсох сон!
Одоогоор би та нарт цаашид юу болохыг урьдаас тааж мэдэхэд огтхон ч тус болоогүй тийм үйл явдлын талаар л ярилаа. Тийм ч учраас яриагаа үргэлжлүүлэх сонирхолгүй байгаад минь битгий гайхаарай. Харин өнөөдрөөс эхлээд та нарын сонсох гэж байгаа бүх зүйл манай хамгийн зориг хатуужилтай хүмүүс хүртэл зайсуулах гэж хэчнээн оролдоод ч тус болохгүй урьдаас зөнд орж муу ёрлоод байсан юм.
Яая гэхэв, би нэгэнт ийм хүнд үүрэг өөртөө хүлээж авснаас хойш эцэст, нь хүртэл гүйцэтгэх хэрэгтэй. Тэгээд би хамгийн аймшигтай цаг үеийн тухай яриагаа аль болох түргэн дуусгахыг хичээх болно...
