Яагаад би зохиол бичиж эхэлснээ «Уриа» цоморлогийн оршилд дурдсан билээ.
Намайг зохиол оролдож эхэлсэн үед нийгэмлэгт, утга зохиолын эзэлж байсан байр суурь нь өнөөгийнхөөс өөр байв. Тэр үед хятадад үргэлжилсэн зохиолыг уран зохиолд тооцохгүй, зохиолчдыг нь зохиолч гэж үзэхгүй байлаа. Тэдний хэн нь ч алдартай цуутай болъё гэж бодохгүй байсан юм. Би үргэлжилсэн зохиолыг «утга зохиолын охь манлай» болтол нь өргөмжилж мандуулъя гэж зориогүй сэн; гагцхүү утга зохиолоор нийгэмлэгт нөлөөлье гэж эрмэлзэж байсан юм сан...
