Алтан Прага ард хоцорлоо. Онгоц хөөрсөөр огторгуйн уудамд гарлаа. Орон бүхнээс цугларсан олон хүн ойлгогдох, эс ойлгогдох янз бүрийн хэлээр ярилцана. Удсан ч үгүй онгоцны үйлчлэгч ганган бүсгүй сүүлийн үеийн мэдээтэй сонин сэтгүүл тараалаа. Аваад үзэх гэтэл саявтар уншсан нэг зүйл санаанд ороод гэв гэнэт эвгүй боллоо. Тэгэхлээр нь суудлаа хойш нь налуулаад бодолхийлэн хэвтсэн чинь нүдэнд огтолсон толгойн үс өрвийн, хяргуулсан гарын сарвуу арзайн үзэгдээд бас болсонгүй. Нүдэнд тийм аймшигт дүр...
