Зохиолч: Юрий Нагибин
Орчуулагч: Ж. Лхагва
Ангилал: Оросын уран зохиол
Хэвлэлийн газар: Улсын хэвлэлийн газар
Муурын зулзагуудыг живүүлэхээс өөр ямар ч арга байсангүй. Гэвч хэн маань үүнийг хийж чадах сан билээ. Эцэг маань бясаа ч алж чаддаггүй, ээж бол харин бясаа алчихтайгаа. Симочка алгана загасыг амьдаар нь цөцгийд шарж чадна. Гэхдээ «Цөцгийд шарахад алгана дуртай» гэж үглэн өөрийгөө тайвшруулдаг байлаа. Харин тэдний дэргэд бол би жинхэнэ яргачин билээ. Гүрвэлийн сүүл тасалж, бор шувуу чавхаар харваж, уснаас цухуйж байгаа мэлхийн гурвалжин ногоон хоншоорыг алдалгүй чулуудаж чадна. Энэ бүхнийг зөвхөн ангийн хорхойгоор хийдэг байсан болохоор муурын зулзага живүүлэх бүдүүн зүрх байсангүй...
