Зохиолч: Юрий Нагибин
Орчуулагч: Ж. Лхагва
Ангилал: Оросын уран зохиол
Хэвлэлийн газар: БНМАУ-ын Ардын боловсролын яамны хэвлэл
Үдэш болоход Вася элстэй хайрцагт тэднийгээ байрлуулж, орныхоо толгойны тэнд харагдахуйц газар тавиад унтахаар хэвтэхдээ, ээждээ:
— Энэ зулзагуудад би ёстой хайртай! гэж жаргалтайхан нойрмог хоолойгоор өгүүлэхэд цаадах нь хүүгээ хучингаа:
— Хуучин нэг нөхөр, шинэ хоёроос дутуу байдаг байх нь ээ гэлээ.
Зарим нэг үг тэр үедээ ямар ч гэм халгүй мэт атлаа, явж явж санаанаас гарахаа болиод байж суухын аргагүй хатгаж өвтгөх нь буй. Машка бол Васягийн найз нөхөр ч биш, зүгээр л нэг муу хөгшин яст мэлхий гээд мартах гэхлээр бас болдоггүй маргааш өдөржин тоглож болох ийм хоёр хөөрхөн амьтан оллоо гэж баярлахаасаа, нөгөө л муу хэнд ч хэрэггүй хөгшин яст мэлхийгээ бодох нь яваандаа дийлээд нэг л эвгүй, түгшүүртэй байх болов...
