Зохиолч: Георгий Караславов
Орчуулагч: Б. Жамъянбаатар
Ангилал: Гадаадын уран зохиол цэрэг дайны сэдэвт
Хэвлэлийн газар: Улсын хэвлэлийн газар
Жимс, ногоо, жимсний нухаш, гадаадад гаргадаг Каэв гэгч баяных, охиныхоо төрсөн өдрийн баяр хийж байв.
Ерөнхий прокурор Иоргов энэ шинээр төрсөн панзчийн нэрийг доороо дахин дахин давтаж, сэтгэлийн гүндээ эзэнгүй хор буцлаана.
Каэв! Хэн бэ тэр? Юу юм бэ? Болгарын хамгийн бөглүү нэгэн тосгоноос борог хувцастай хүн хүрч ирээд навтгар саравчны дор унтацгааж зарагдаагүй үлдсэн ногооныхоо бохир үлдэгдлээр гол залгуулан тэвчээртэй аажмаар хуруу хумсаа хугалах шахан зүтгэсээр баяжих замаа засаж байсан өчигдрийн морин тэрэгчдийг үнэн голоосоо үзэн ядна. Тэдний бүлгээс нэг нь гадаадад гаргах, оруулахын алтан учгийг тэмтэрч олтлоо улангасан тэмцдэг байв. Ингээд л сая саяар нь мөнгө хуримтлуулж эхэлнэ. Сая сая мөнгөөрөө том байшин бариулж, уужим саруулхан байр сууц худалдаж авах буюу үзэсгэлэнт байгальтай амралтын газрууд, тансаг сайхан хувийн зусландаа амарч, үзэмж, хурдаараа нууцгай атаархлыг төрүүлсэн хүч ихтэй хөнгөн тэргээр зугаалцгаана.
Ер нь яахлаараа энэ этгээдүүд амьдралын аливаа тансаг сайхнаас ингэж атга атгаар нь луйвардаж байна вэ? Ямар хүч, ямар ухаанаараа худалдаанд ер бусын амжилт олно вэ?.. Шинэ баячуул дотроос олон хүн зальхай хэргийн учир прокурорт хүрч байв...
