Зохиолч: М. ХУРМАНХААН
Орчуулагч: Б. Бааст
Ангилал: Монголын уран зохиол Жүжиг, кино
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Рахмет — (баяртай инээмсэглэж) Биднээс энэ газрыг яаж харамлаж байснаа санаж байна уу?
Бекбол — Ном үзсэн, нутаг сахисан хоёр хүний ухааны зөрүү бол тэнгэр газар хоёр шиг байлгүй яах вэ! Би тэгж байснаа санаж байна. Хонийг минь авч хотыг минь харлуулах байтугай дараа нь хотыг минь авахад ч гэсэн, чамайг хэзээ нэг цагт заавал багалзуурдана гэж санаж байсан. Зулзагаа алдсан бүргэд хөх тэнгэрийн өндөрт хөөрөн гараад хөрст газрыг яасхийж харуулдан тэнэдэг билээ. Тэр шиг л юм над санагдаж байсан. Энэ ногоон дэнж ногооноороо биш харин хувхайрсан ухаа толгод шиг үзэгдэхэд, нүд минь халтираад эгц ч харж болохгүй байлаа.
Рахмет — Санаснаа ний нуугүй ярьсанд чинь баярлаж байна, Бекбол агаа. Таных цөм зөв. Юм тийм л байдаг, байх ч ёстой. (Бодож) үнэндээ энэ дэнж ногоон биш, ухаа өнгөтэй мөртөө яагаад ногоон дэнж нэртэй бол оо вэ?..
