Мухамадын ХУРМАНХААН
(1923 — 1964)
Үргэлжилсэн үг, жүжгийн зохиолч.
1923 онд Баян-Өлгий аймгийн Ногооннуур суманд төржээ.
1940 онд аймаг байгуулагдахад Баяннуур сумын бага сургуулийн багш хийж байсан тэрээр, 1948 онд аймгийн дотоод яамны хэлтсийн даргын орлогчоор ажиллаж байхдаа Москвад нийгмийг аюулаас хамгаалах байгууллагын ажилтныг бэлтгэх сургуульд явж 1950 онд төгсөж ирээд Баян-Өлгий аймаг дах Тусгай хэлтэст ажиллаж, мөн АДХын гүйцэтгэх захиргааны хариуцлагатай нарийн бичгийн дарга, аймгийн АДХ-ын гүйцэтгэх захиргааны дарга, аймгийн намын хорооны 1-р нарийн бичгийн дарга байв. Нэгдлийг удирдах ажилтан бэлтгэх курст суралцаад Баяннуур сумын “Цэцэг” нэгдлийн даргаад ажиллаж, 1956 онд Өлгий хотод шилжиж хэвлэх үйлдвэрийн дарга, сонины эрхлэгч, аймгийн Үйлдвэрчний зөвлөлийн дарга, АДХ-ын гүйцэтгэх захиргааны урлаг-утга зохиол хариуцсан зааварлагч хийж байгаад 164 оны 9 сард зуурдаар нас баржээ.
Уран зохиолын ажлыг багаасаа оролдож 1942 онд Баян-Өлгий аймгийн сонины газраас латин үсгээр гаргасан “Шүлгийн түүвэр” номд анх 2 шүлэг нь нийтлэгджээ.
Зохиолын эмхэтгэл нь 1964 онд Өлгий хотод казах хэлээр, 1970 онд Улаанбаатарт монгол хэлээр хэвлэгджээ.
