Зохиолч: Слав Хр. Караславов
Орчуулагч: Б. Жамъянбаатар
Ангилал: Гадаадын уран зохиол
Хэвлэлийн газар: Улсын хэвлэлийн газар
Харин Сорвит огт тоосон шинжгүй хуурамчаар инээн
— Хүүг урваагүй байхад нөхөд нь сүйд хийжээ. Тэглээ гээд сур л даа гэж намайг тавлав.
Маргалдаад хэрэггүй, эрүү шүүлтийн өвдөх зовохыг тэсвэрлэж чадаагүй минь үнэн. Нууц байруудыг илчилсэн минь үнэн. Миний нөхөд надад алах ял оноосон нь үнэн. Гэвч тэдний мэдэж амжаагүй өөр зүйл бий. Миний баригдсаныг манай холбоочид мэдээд уул руу гарч амжтал нь цаг хожих хэрэгтэй гэж бодсон ганцхан санааны үүднээс дуугүй байж удаан хугацаагаар фашистуудыг элдэв аргаар хуурсан юм. Энэ заль минь амжилт олсон боловч холбоочид ууланд очихдоо өршөөнө гэсэн зарлалд хууртаж намайг сайн дураараа харгис цагдаа нарт бууж өгсөн гэж партизаны ангид хэлсэн байлаа.
Энэ мэдээлэл намайг амьдаар минь зулгаах, усан тээрмийн чулууны хооронд бяц хавчих мэт зовооно...
