Зохиолч: Барадий Мунгонов
Орчуулагч: Б. Цэдэндамба
Ангилал: Оросын уран зохиол
Хэвлэлийн газар: Улсын хэвлэлийн газар
Миний төрсөн нутаг! Та минь даанч сайхан үзэсгэлэн төгөлдөр юм аа. Эрт дээрээс гунигт дуугаа дуурьсгаж байсан өвөг эцэг нарын минь хөдөлмөрийн гашуун хөлсөөр, өтгөн тунамал цусаар нэвтэрсэн, ач гучийн нь эдүгээ жарган тэнийж суугаа миний нутаг үнэхээрийн сайхан юм аа. Ирээдүй чинь юутай ч эгнэшгүй юм аа. Улам нарлаг, улам ч өргөн хүчирхэг болж бадран дэлгэртүгэй.
Ийм сайхан цагт хэзээ нэг үхэх бол гэж биеэ оторлож явах тун ч зовлонтой. Ямар өөдгүй бодол бодогдоно вэ? Би заавал амьд явах ёстой. Амьд явах ёстой шүү.
Ийм сайхан цагт хүнийг өвчин зовлон бүү нэрмэтүгэй. Ард зоны минь аж байдал хэзээ ямагт дэлгэрэн байх болном оо. Орон нутгийн минь мөнх цэцгээс гал улаан дэлбээ дөл мэт дэлгэрэн бадартугай.
Чи өөрөө толгойгоо битгий унжуул гэнэм. Зоригоо битгий мохоо гэнэм. Алс тэнгэрийн үүлгүй хаяаг цэх ширтэн, өргөн хүчирхгээр алхал гэнэм, нөхөр минь...