Зохиолч: А. АВДЕЕНКО
Орчуулагч: С. Жамьян Ж. Бадамжалба
Ангилал: Оросын уран зохиол Адал явдалт цэрэг дайны сэдэвт
Хэвлэлийн газар: Улсын хэвлэлийн газар Монголын Хувьсгалт Залуучуудын Эвлэлийн Төв Хорооны хэвлэл
Машины ачаанаас буусан Кларк, Граб хоёр бороотойг, харанхуй шөнөөр далимдуулан явсаар төмөр зам хүрлээ. Тэнд, тэр хоёр замын дэргэдэх цэцэрлэгт нуугдаж, ачааны галт тэрэг ирэхийг хүлээж, түүнд суугаад, шөнө дундаас өмнө хилийн станцад ойртож явлаа. Төмөр замын гэрлийн тэмдэг хүрээгүй байхад тэр хоёр үсэрч буугаад чимээгүй алга болов. Хагас цаг хэр яваад тэр хоёр төмөр замын дэргэд байгаа ганц жижиг байшингийн цонхыг тогшив. Тэр жижиг байшинд төмөр замын эргүүл, нөгөө хоёрыг хүлээж байжээ. Хүлээж байсан замын эргүүл ирэгсдийг харахтайгаа зэрэг таниад, дуугүй хүлээн авч өвсний үнэр ханхалсан байшингийн дээвэр дор оруулав. Бөгтөр нуруутай, үрчлээс болсон нүүртэй энэ төмөр замчин, хил зөрчигчдийн нууц орон бэлтгэхдээ хэзээнээсээ дадлагатай хүн бөгөөд түүний хянуур занг Кларк сайшаадаг байжээ.
— Хэдийд биднийг тэр талд гаргаж чадах вэ?
— Битүү манан татахыг хүлээе. Аргацааж л бай. Яарах юу байх вэ гэж төмөр замч хариулаад, тэр хоёрыг тэнд нь орхиж,..