Зохиолч: Б. Бааст
Орчуулагч:
Ангилал: Хүүхдийн уран зохиол
Хэвлэлийн газар: Улсын хэвлэлийн газар МОНГОЛЫН ЗОХИОЛЧДЫН ЭВЛЭЛ
Хургачин байснаа бодвол хоньчин болно гэдэг бас ч догь хэрэг шүү. Эр өсөж, эсгий сунаж л байгаа нь тэр шүү дээ. Өдөр хоног өнгөрөх тутам өсөж өндийж, өсөж өндийх тусам өнгө бүрийн юм үзэж харах юм даа. Түүнийгээ бид амьдрал гэдэг. Хүний амьдрал өдөр бүр заавал шинэ үйл явдал, учрал тохиолдлоор баяжсаар, нэг мэдэхэд хэд хэдэн боть ном болговч баршгүй тийм баян түүх болдог. Өөрөөсөө бусдад сургаал зөвлөгөө болох сонин түүх учралгүй амьдралтай хүн гэж ер байдаггүй. Харин аж амьдралынхаа тэр эрхэм сониныг илэрхийлэн гаргаж чаддаггүй хүн байдаг юм аа. Тийм хүний нэг нь ч би байж болно.
Хоньчин болсон жилээ Бадмаа авгайн нэг хурга чононд идүүлсэн амьдралд минь анх удаа тохиолдсон тэр явдал...
