Зохиолч: Ардын аман зохиол
Ангилал: Аман зохиол Монголын уран зохиол
Хэвлэлийн газар: ГЭГЭЭРЛИЙН ЯАМНЫ ХЭВЛЭЛ
Тэгээд тэр Солонго Улсад гурван жил саатаж суув. Аргасун хуурчийг улсыг зас гэж суулгасан аж. Гэрээс эзэн богд юунд саатав гэж Аргасун хуурч гуравласан зээрдийг унаж, гурван сар явах газрыг гурван хоногт хүрч, эзэн минь мэнд буюу хэмээн асуув. Мэнд хэмээн түшмэд хэлэв. Мөн түшмэд, хатан хөвүүд, хамаг улс бүгд мэнд буюу гэж асуув.
Хуурч өгүүлрүүн:
Хатан хөвүүд чинь мэнд байнам.
Хамаг улсын чинь зан аашийг эс мэдэв.
Эм хөвүүд чинь мэнд байнам.
Энэ их улсын чинь зан аашийг эс мэдэв.
Хагархай амандаа холтос хальс олж идэв.
Хамаг улсын чинь зан аашийг эс мэдэв.
Умдаасах амандаа ус цас олж уув.
Улс монголын чинь зан аашийг эс мэдэв.
хэмээн өчвөөс эзэн эс ухаж, бас өгүүл, хэмээв. Аргасун хуурч өчрүүн:
