Цаст умардын жаварт орны
Цал буурал мяндсан толгойтой
Цалиг мөнгөн өнгөт сахалтай
Цагаан өвгөн аав минь
Өнгөрсөн хуучин оныг төлөөлж
Өсвөрийн шинэ жилийг дагуулж
Сайхан Монгол эх орны минь
Сааршгүй агуу их хөгжил,
Соёлын гайхамшигт амжилтыг минь
Сонирхон үзэж, дүгнэн харсаар
Өргөн хөндийг өгсөн туулж
Өндөр уулыг даван гарч
Олон ардтай учран золгож
Орон хотоор дамжин айлчилж
Ургаж байгаа цэцэг шиг
Ундарч байгаа булаг шиг
Өсөх насны багачууд бидний
Өнөөдрийн баярт оролцох гэж
Нандин гуа сүлд модны минь
Наадамд хүрэлцэн ирээд байна.
