Энэ зохиолд Улсын төв музейг анх эхлэн байгуулах үеэс ажиллаж, түүний захирал хүртэл албан тушаал хүлээж явсан. Дэндэвийн дуртгал яриаг бараг тэр чигээр нь оруулсан билээ.
...
Дэндэв гуайн энэ дуртгал яриаг тэмдэглэж бичих ажилд 1954 оноос орсон бөгөөд бидний хүсэлт ёсоор Дэндэв гуай аль болохоор идэвхтэйг оролцож элдвийг ярьж тэмдэглүүлэн, дахин дахин бодож засаж залруулж байснаас гадна, асуусан сурагласан зүйлүүдийг үнэн зөв ярихыг төлөө их чармайж байв. Зарим нэг мартсан зүйлээ тийм хүн мэднэ, тийм ном бичигт тодорхой бий гэж зааж байлаа.
Олон хүнд хүрч уншигдах юм болбол буруу ташаа, гоомой зүйл орчихвол муухай гэж байн байн өгүүлж байв. Зарим нэг мартагдсан юм, баримт мөчид зүйлийг «за, үүнийг бичихээ больё» гэж шууд орхиулж байсан юм.
Дуртгалыг нь бичиж авч байхад өчүүхэн бага зүйл ташаарвал тэр даруйд нь залруулан засаж өгдөг байв. Дэндэв гуайн ярианд гарч байгаа зарим зүйлд нэмэлт болгон тодруулах зүйлийг хаалтад хийсэн, эсвэл зохих газар нь тайлбар хийсэн билээ.
Д. Наваан
