Тавиад оны сүүлчээр Монголын уран зохиолын тэнгэрт гэрэл татуулан тодорсон нэгэн суу билигтэн бол өдгөө цагт бидний ам булаалдан ярьж, сайн мууг нь дэнслэн буй Лодоны Түдэв бүлгээ. Тэр цагт 23-тай залуу хүн роман бичээд гарч ирнэ гэдэг бол онцгой үзэгдэл байжээ. Д. Намдаг, Ч. Лодойдамба, З. Баттулга нарын роман уншигчдын гарт хүрээгүй шахам байсан тэр үед ийн тодорно гэдэг тэнгэрийн бошиг хувь заяаны одон мэт тод сонин зүйл байлаа.
