Энэ яриа 1896 оны тавдугаар сарын 17-ны үдэш Москва хотноо, эзэн хаан ширээнд суух ёслолын баярын өмнө болов. Рина гэдэг нь хажуугаас нь харахад өлсгөлөн, махчин шувуу шиг монхор хамартай, үзэсгэлэнтэй чийрэг хүүхэн бөгөөд дээдсийн сайхан зугаалгыг сонирхохоо аль хэдийн больсон нь үнэндээ өөрийгөө бүр дээд зэргийн эмэгтэй гэж тооцдог ба ардчин гэдэг байжээ. Рина бол эцгийн ганц эрх танхи охин учир юу хүссэнээ хийдэг байв. Одоо тэр эцгийнхээ хэлснээр олны зугаалгад төрлийн дүүтэйгээ хамт үд дунд биш, харин өглөө эрт гарахаар бэлтгэж байгаад, тэднийхээс явсан хүмүүсийн хамт улаач ба түүний туслагч болон, хашаа цэвэрлэгч нартайгаа цуг яв гэсэн тухай яахыгаа эргэлзэн сууна...
