Тодорхойгүй нэгэн орноо либерал хүн байжээ. Тэгэхдээ тэр либерал хэнийг ч ам нээж дугараагүй байхад «Аяа, ноёд оо! Ноёд оо! Та нар юу хийнэ вэ? Та нар өөрсдийгөө сүйтгэж байна!» гэж бархирдаг байжээ. Ингэлээ гээд түүнд хэн ч уурладаггүй байжээ. Харин ч хошуутай бүгдээр л сануулбал сануулж л байг! Бидэнд л сайн биз!» гэж хэлэлцдэг байжээ.
— Аливаа нийгмийн үндсэнд гурван хүчин зүйл байх хэрэгтэй. Үүнд эрх чөлөө, хангамжит байдал, биеэ даах гурав байх ёстой, гэж ирээд л хэлдэг нь: — Хэрэв нийгэм эрх чөлөөгүй гэвэл энэ нь тэр нийгэм туйлын хүслэнгүй, бодол сэтгэлийн гал дөлгүй, ингэхлээрээ бас бүтээл туурвилын үндэс ч үгүй, тэрхүү нийгмийн ирээдүйн хувь тавиланд итгэх итгэл ч үгүй аж төрнө гэсэн үг юм. Хэрэв нийгэм өөрийгөө хангагдаагүй гэж мэдвэл энэ нь түүнд уруу дорой байдлын царай оруулж, хувийн учрал тавиланд цэвдэг хайнгад болгоно. Хэрэв нийгэм биеэ даасан байдалгүй болбол өөрийн хэрэг үйлсээ зохион бүтээх чадалгүй болж, тэр байтугай эх орны тухай төсөөллөө бага багаар алдана.
