Зохиолч: ПОЛЬ ДЕ КРАЙФ
Орчуулагч: Ш. Гаадамба
Ангилал: Түүх Эрүүл мэнд, анагаах ухаан Намтар, дурсамж Байгалийн шинжлэл Америк уран зохиол
Хэвлэлийн газар:
Нэгэн хэсэг нь хүнийг үхүүлэн хөнөөх хортон, нөгөө хэсэг нь хүнд элэгсэг найртай болоод ашиг тустай, өөр зарим нь хүн төрөлхтний аж төрөлд ямар нэгэн эх газар, олтирог арлаас ч илүү үүрэг гүйцэтгэдэг хамгийн өчүүхэн амьд амьтны язганан бужигнан орших нэгэн шинэ битүүлэг нууцын ертөнц рүү Левенгук овогт нэр төдий л алдаршаагүй хүн анх түрүүн шагайн харсан билээ.
Левенгук угтаа шагшин магтагдах битгий хэл, бараг мартагдсан бөгөөд түүний бие хамгийн өчүүхэн бичил ургамал амьтныг нээн олохын цагт тэдгээр бичил биетэн хэнд ч үзэгдэж мэдэгдээгүй амьд юм байсны нэгэн адил энэ хүн мөн одоо ч нэр эс тодорсон нэгэн хэвээр аж. Энэ бол микробын (нянгийн) эн түрүүний ангуучин Левенгукийн тухай тууж юм. Энэ бол Левенгукийн хойноос хожим гарч ирээд, үхэлтэй халз тулалдсан эрэлхэг зоригтой, овсгоо сортоотой шургуу хичээнгүй шинжлээч дайчдын тухай өгүүлэл болно. Энэ бол бас тэр шинжлэгчдээс хоосон санаанаас зохиосон гэлтэй цоо шинэ ертөнцийн байдал төлөвийг дүрслэн илэрхийлж, зурагт оруулахыг хичээн тэрхүү шинэ ертөнц тийш цөхрөлтгүй зүтгэн тэмүүлсний энгийн бөгөөд үнэн магадтай түүх мөн.
