Урьд нь аар саархан юмаар хөөцөлдөж байсан хүн (Каупервуд өөрийн урьдын хийж ирсэн ажлыг ингэж үнэлж байв) өдгөө санхүүгийн болон удирдан захирах тийм их ажлыг эрхлэх болсондоо урам зориг нь бадралгүй яах вэ. Алсынхаа бодолтой ажлыг нууц далдуур маш удаан хугацаагаар бодож боловсруулж байхдаа төдий л том ажил хийж чадахгүй байсан Каупервуд одоо бодсон санасандаа хүрсний эцэст эргэн санавал энэ бүгд нь өөрт нь зүүд зэрэглээ мэт санагдах ажээ. Чикаго хот бол маш түргэн тэлэн өсөж хөгжиж байгаа гайхамшигтай хот юм. Тэндхийн бололцоо үнэндээ хязгааргүй их аж. Хувь нийлүүлсэн тэмдэгтээ үнэн хэрэг дээрээ хугацаагүйгээр өөрт нь өгсөн тэр маанаг хүмүүс өөрсдийнхөө юу хийж байгааг ч янз нь ухаарахгүй байгаа бололтой. Хотын төмөр замыг гартаа бүрэн оруулан авсан цагт уу, мөн ч их ашиг орлого оруулна биз дээ.

Төмөр замын компаниудыг нэгтгэн дүгнэж нийлүүлж асар их ашиг орлого олж болох ажээ. Төмөр замын салбар шугам шинээр тавих зөвшөөрлийг Маккенти бараг зүгээр олоод өгнө. Хэд хэдэн сая долларын үнэтэй тэр салбар шугамуудыг мөд өөрөө Каупервуд ганцаар өмчлөх болно. Тэрнээс умард төмөр замын компанийн захиргааныханд хүү огт төлөхгүй. Хот улам улам тэлэн өргөжихөд одоохондоо бусдын нэр дээр буй боловч үнэндээ өөрийнх нь болчхоод байгаа төмөр замууд нь хотыг тойрон алхам алхмаар ахин байгаа олон салаа салбар бүхий асар их төмөр замынх нь зөвхөн нэг салбар, төв хэсэг нь болох ажээ. Дараа нь Өрнөд хэсгийн, тэр ч бүү хэл Өмнөд хэсгийн төмөр зам мэдэлд нь орох болно... Хоосон мөрөөдөхийн хэрэг юу вэ? Ер нь мөд, тун ч удахгүй Чикаго хотын бүх төмөр замыг ганцаараа эзэмшсэн хүн болохыг хэн байг гэх юм бэ! Энэ хотын санхүүгийн хаан бөгөөд тус улсын доторх санхүүгийн хамгийн томчуудын нэгэн болохыг Каупервуд мөрөөдөх аж!

АРВАН ДӨРӨВДҮГЭЭР БҮЛЭГ : ДООД ҮЕНИЙ УРСГАЛ  
АРВАН ТАВДУГААР БҮЛЭГ : СЭТГЭЛ ДАХИН ХУВИРАВ  
АРВАН ЗУРГААДУГААР БҮЛЭГ : ГАЙТАЙ ЗАВСАРЛАГА  
АРВАН ДОЛООДУГААР БҮЛЭГ : ЭВДРЭЛИЙН ЭХЭН  
АРВАН НАЙМДУГААР БҮЛЭГ : МӨРГӨЛДӨӨН  
АРВАН ЕСДҮГЭЭР БҮЛЭГ : «ТАМД Ч ИЙМ ШУЛАМ БАЙХГҮЙ»  
ХОРЬДУГААР БҮЛЭГ : ХҮН, ХҮНЭЭС ХЭТ ХҮН  
ХОРИН НЭГДҮГЭЭР БҮЛЭГ : ДАЛД ЗАМЫН АЖИЛ  
ХОРИН ХОЁРДУГААР БҮЛЭГ : ХОТЫН ТӨМӨР ЗАМ  
ХОРИН ГУРАВДУГААР БҮЛЭГ : ХЭВЛЭЛИЙН ХҮЧ НӨЛӨӨ  
ХОРИН ДӨРӨВДҮГЭЭР БҮЛЭГ : СТЕФАНИ ПЛЕЙТО  
ХОРИН ТАВДУГААР БҮЛЭГ : ДОРНЫН ГАЙХАМШИГ  
ХОРИН ЗУРГААДУГААР БҮЛЭГ : ДУРЛАЛ, ДАЙН ХОЁР  
ХОРИН ДОЛООДУГААР БҮЛЭГ : ГАЙХШАА БАРСАН САНХҮҮЧ  
ХОРИН НАЙМДУГААР БҮЛЭГ : СТЕФАНИЙГ ИЛЧИЛСЭН НЬ  
ХОРИН ЕСДҮГЭЭР БҮЛЭГ : ГЭРИЙН ХЭРҮҮЛ  

“УЛСЫН ХЭВЛЭЛИЙН ГАЗАР” Улаанбаатар хотноо 1977 онд эрхлэн хэвлүүлсэн “ Теодор Драйзер : МУНДАГ ЭР” номын Хэвлэн нийтлэлийн мэдээлэл