Зохиолч: Ч. Лодойдамба
Орчуулагч:
Ангилал: Монголын уран зохиол
Хэвлэлийн газар: Улсын хэвлэлийн газар
Ингээд бид хоёрын яриа Сүрэнгийн хүчээр эхэлж, би юуны өмнө нэрийг нь асууж авлаа. Түүний нэрийг Солонго гэдэг ажээ. Бас гэрээсээ гараад зургаа хонож ирсэн. Нутаг нь манай нутаг шиг ийм уул устай биш, хаашаа л харвал нүд алдам өргөн тал байдаг гэж ярилаа.
Манайхан гүүгээ өдөрт тав саадаг байсан. Гэвч тэр өдөр би халуунд унага цангаж магад гэдэг нэрээр долоон удаа Солонготой хамт гүү саасан юм сан.
Халуун өдөр шар хэдгэнэ, хөх түрүүтэй зодолдон гүү саах гэдэг яггүй ажил байдаг сан. Гэтэл тэр өдөр гүү саахаас сайхан ажил байдаггүй мэт байж билээ...
