Үргэлжилсэн үг болон жүжгийн зохиолч, утга зохиол судлаач, соёл олон нийтийн нэрт зүтгэлтэн, төрийн шагналт ЧАДРААБАЛЫН ЛОДОЙДАМБА 1954 онд МУИС, 1959 онд ЗХУКН-ын төв хорооны дэргэдэх нийгмийн шинжлэх ухааны академийн аспирантурт суралцаж төгсжээ.
Соёл олон нийтийн нэрт зүтгэлтэн, үргэлжилсэн үг, жүжгийн зохиолч, утга зохиолын судлаач Чадраабалын Лодойдамба 1916.8.20-нд Говь-Алтай аймгийн Түмэн суманд Туульч хүний гэр бүлд төржээ.
1954 онд Монгол улсын их сургууль төгсөж, 1959 онд ЗХУКН-ын Төв Хорооны дэргэдэх Нийгмийн шинжлэх ухааны академийн аспирантурт суралцаж - урлаг судлалын ухааны дэд эрдэмтний зэргийг хамгаалжээ. БНМАУ-ын соёлын яамны орлогч сайдаар олон жил ажилласан.
1940 оноос эхлэн уран зохиол бичиж, “Тунгалаг тамир", "Манай сургуулийнхан", "Шаргачин", "Алтайд" зэрэг зохиолууд нь олны танил болсон.
Ч. Лодойдамба орчин үеийн монголын үргэлжилсэн үгийн зохиолын том төлөөлөгч, анхны роман бичсэн зохиолчийн нэг юм. Монголын үргэлжилсэн үгийн зохиолын эрдэнийн санд орсон түүний “Тунгалаг Тамир” роман нь монгол болон гадаадын уншигчдын өргөн талархал хүлээсэн байна. “Тунгалаг тамир" роман нь зууны шилдэг роман болсон.
Чойбалсангийн болон төрийн шагналыг 1953,1971 онуудад хоёр удаа хүртжээ.
