Зохиолч: ПОЛЬ ДЕ КРАЙФ
Орчуулагч: Ш. Гаадамба Д. Дандий
Ангилал: Түүх Эрүүл мэнд, анагаах ухаан Намтар, дурсамж Байгалийн шинжлэл Америк уран зохиол
Хэвлэлийн газар: Улсын хэвлэлийн газар
Манай энэ түүхийг (алив нэгэн зохистой сайхан түүхэнд байвал зохих) өлзийтэй сайхан төгсгөлд хүргэсэнд Пауль Эрлих болбол тун хөгжөөн наргиантай хүн байжээ. Энэ хүн өдөрт хорин тав хүртэл ширхэг янжуур татаж нэгэн том аяга шар айраг (бүр нийтийн өмнө) лабораторийн хуучин ажилтнуудтайгаа ууж, өөр бас арав гаруй аяга тийм шар айргийг Герман, Англи, Америкийн ажил нэгтэнтэйгээ хувааж уухаас буцахгүй хүн байжээ. Бүрнээ орчин цагийн хүн байтал байн байн давтан хэлдэг,
— Нянг шидэт сумаар буудаж сурах хэрэгтэй! гэсэн алдарт үгээрээ дундад эртний ямар нэгэн юмыг санаанд оруулдаг хүн болой. Нөхөд нь түүнийг хөгжөөнтэйгөөр даажин тохуу хийх бөлгөө... Дайснууд нь түүнд «уран зөгнөлт доктор» хоч өгсөн ажээ.
Юутай ч гэсэн Эрлих явж явж өнөөх ид шидийн сумаа бүтээсэн билээ. Энэ суут алхимич бүр нэн ч гайхамшигтай нэгэн зүйлийг хийсэн. Үүнд: түүний бие алуурчны дуртай хор болох нэгэн эмийг хүний амь насыг аврах агуу их арга хэрэглүүр болгож хувиргасан билээ. Хүнцлийн хорыг яр тэмбүү өвчин гэгдэх эрэг хэлбэрийн цайвар нянгийн эрхшээлээс хүн төрөлхтнийг чөлөөлөгч болгож туурвисан хүн болой...
