Зохиолч: М. Шолохов
Орчуулагч: Б. Дашцэрэн
Ангилал: Түүх Оросын уран зохиол цэрэг дайны сэдэвт
Хэвлэлийн газар: Улсын хэвлэлийн газар
1918 оны дөрөвдүгээр сард Дон нутгийнхан хоёр том хэсэгт хуваагдаж, хойд зүгийн Хопер, Усть-Медведицийн тойрог, дээд донын зарим тойргоос урд фронтод явж асан казакууд ухарч яваа Улаан армийн ангиудтай нийлж, тэднийг Доод Донын тойргийн казакууд мөрдөн хөөж мужийнхаа хязгаар луу шахаж байв.
Улаантантай Хоперынхан бараг тэр аяараа, Усть-Медведицийнхний тэн хагас, Дээд донынхны шалихгүй хувь нь нийлжээ.
Зөвхөн 1918 онд л түүх Дээд Доныг доод донынхноос нэгмөсөн салгав. Гэвч тэгж салж хөндийрөх эхлэлт нь бүр хэдэн зуун жилийн өмнө тавигдаж, Азов хавийн шим тэжээлт нутаг, усан үзмийн тариалан, өгөөмөр баялаг ан гөрөө, загас агнуургүй хойд зүгийн тойргийн ядуулаг казакууд үе үе Черкасскаас салж, их Оросын нутаг руу дур зоргоор уулгалан довтолж Разинаас эхлээд Секачийг хүртэл аливаа бүх бослого, самуун өдөөгчдийг орогнуулдаг найдвартай түшиг тулгуур болж байжээ...
