Монгол бичгийн зохиолын дурсгалт бичгүүд зөвхөн XIII зууны үеэс үлдсэн юм. Тэгэхлээр монголын хуучин бичгийн зохиолын түүхийг XIII зуунаас эхэлж ярих болно. Гэвч энэ нь XIII зуунаас өмнө монгол бичгийн уран зохиол байгаагүй гэсэн үг биш, зөвхөн бичиг зохиол үлдсэнгүй гэдгийг тэмдэглэж байгаа юм.
XIII зууны үед монголд ярьдаг хэл, бичдэг журам хоорондоо нэлээд ялгаатай болсон байжээ. Жишээ нь, aγula, egüde гэж бичээд aula, eüde гэж уншдаг байжээ. Ингэж хэл бичиг хоёрын хооронд ийм их ялгаа гарахад хэдэн зуун жилийн хугацаа хэрэгтэй. Тэгэхлээр XIII зуунаас хэдэн зуун жилийн өмнө монголчууд уйгур бичгийг авч хэрэглэсэн байх ёстой гэж таамаглаж болно...
