Зохиолч: Х. Сампилдэндэв
Орчуулагч:
Ангилал: Монголын уран зохиол Сурах бичиг, гарын авлага
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Хошин шог яриа нь аман зохиолын хүүрнэл хэлбэрт багтдаг бөгөөд дэлхий дахинаа үлэмж өргөн тархсан төрөл юм. Хувь хүний болон нийгмийн элдэв гэм дутагдлыг маш оновчтойгоор шоглон шүүмжилсэн, эсвэл, амьдралд тохиолдсон хөгтэй явдлыг хошигнон өгүүлсэн агуулгатай, уран хошин төгсгөлтэй бага шиг хэмжээний аман өгүүллэгийг хошин шог яриа гэнэ. Ард түмний уран сайхны сэтгэлгээнд шог инээдмийн шүүмжлэлт хандлага нэвтэрсний үр дүнд энэ төрөл үүссэн бөгөөд хошигносон шоглосон хоёр янзын өнгө аястай. Хошин шог ярианы үүрэг нь шоглон шүүмжлэхээс гадна наргиан зугааны зориулалт юм. Иймд хүмүүс амралт цэнгээний чөлөө цагтаа хошин шог яриа ярих нь элбэг. Хошин шог ярианд үлгэр домог туулийн зарим дүр, тэрчлэн, адгуусан амьтан, эд юмсын хүншүүлсэн дүр гарах нь түгээмэл...
