Зохиолч: Луижи Пиранделло
Орчуулагч: Б. Чимиддорж
Ангилал: Италийн уран зохиол
Хэвлэлийн газар: Улсын хэвлэлийн газар
Хэрэв ном уншихаа болихгүй бол таг сохор болно гэдгийг олон удаа эмч анхааруулж байжээ. Баликч тэр болгонд ямар нэгэн инээдэмтэй саналд хариулах мэт доогтойхон инээмсэглэдэг байв.
— Миний үгэнд орохгүй юу? За яах вэ, тэгвэл уншаад л бай! Эцсийн эцэст миний үг үнэн болохыг чи ойлгоно доо. Харж байгаарай. Чи хараагүй болно. Харин тэгэхэд чамд анхааруулж байгаагүй гэж хэлэхгүй биз гэж эмч лавлана. Мөн сайн таажээ. Гэвч яая гэх бил ээ. Түүнд ном уншина гэдэг бол амьдарна гэсэн үг. Уншиж чадахаа болино гэдэг бол үхлээ гэсэн үг. Анх үг үсэглэж эхэлсэн цагаасаа ном уншихын амтанд оржээ. Өөрийн хүү мэт хайрладаг хөгшин зарцынхаа халамжаар байгаа хөрөнгө мөнгөөрөө сайхан амьдарч болох болжээ. Гэвч хамаг орон байрыг нь эзлэн энд тэндгүй овооролдон байгаа номоос хамгийгаа баржээ. Дахин шинээр худалдан авч чадахаа байхаар хуучин номоо эхний хуудаснаас нь эцсийн хуудсыг хүртэл бүгдийг ахин дахин уншина...
