Анхны өдөр

Декамерон нэртэй, Галеотто хунтайз хочтой ном эхэлж байна.
Энэхүү номд долоон бүсгүй, гурван залуу эрийн арван өдөр хүүрнэсэн зуун туурь бий.

ДЕКАМЕРОНЫ АНХНЫ ӨДӨР ЭХЭЛЖ БАЙНА

НЭГ : Мессер Чаппарелло хуурамчаар нүглээ наманчлан нэгэн ариун явдалт гэлэнг мэхлээд үхэв. Амьд ахуйдаа өөдгүй муу хүн байсан атал үхсэний дараа хутагт хувилгаадын тоонд орж, "Хутагт Шапеллетто" хэмээн алдаршжээ.

ХОЁР : Авраам гэдэг еврей, Жанното ди Чиванийн ятгалгад автан Ромын ордонд очиж, тэндхийн лам санваартан нарын садар самууныг нүдээр үзэж ихэд жигшээд Парист эргэн ирж, Христийн номд оржээ.

ГУРАВ : Еврей Мельхиседек гурван бөлзгийн үлгэр ярьснаар Саладины тавьсан аюултай урхинаас эсэн мэнд мултрав.

ДӨРӨВ :  Нэгэн гэлэн маш хүнд нүгэлд унаад өөрийн хийдийн ширээтийг мөн нүгэлд барьснаар ял гэсгээлтээс мултарч чаджээ.

ТАВ :  Монферратын бээлийн хатан эм тахианы махаар хийсэн зоог барьж, эелдэг ялдамхан үг хэлснээр Францын эзэн вангийн ухаангүй дурласан сэтгэлийг дарж чаджээ.

ЗУРГАА : Нэгэн гүдэс хүн хурц үгээр лам нарын засдаг хуурамч занг илчлэн ичээв.

ДОЛОО : Бергамино гэдэг хүн Примассын тухай, Клюнийн ширээтийн тухай ярьж, мессер Кане делла Скалын гэнэт харамч харуу зан гаргасныг илчлэн мохоов.

НАЙМ : Гвильельмо Борсьере уран ёгт үгээр мессер Эмино де Гримальдийн харамч харууг зэмлэв.

ЕС : Киприйн эзэн ван, Гаксоны нэгэн хатагтайд хорон үгээр дайруулснаас хойш үхээнц доройгоо гээж, зоримог шийдэмгий болжээ.

АРАВ : Болонья хотын Альберто хэмээх нэгэн эрдэмтэн оточ нэгэн бүсгүйд дурлаж, цаад бүсгүй нь түүний дурласан сэтгэлийг далимдуулан ичээх гэхэд өөдөөс нь эвтэйхэн үгээр хариу тавин ичээжээ.