Зохиолч: Зюнко Иназава
Орчуулагч: Д. Гонгор
Ангилал: японы уран зохиол
Хэвлэлийн газар: Улсын хэвлэлийн газар
Акияма цаасанд боодолтой багавтар юм барьжээ. Тэр дороо түүнийгээ жижигхэн ширээн дээр тавив. Энэ үед Нарико зүүн гарын нь ядам хуруунд харагдах том бөгжийг олж үзэв. Ногоон өнгийн том чулуун бөгж хуруунд нь нийцтэй харагдана.
«Энэ эмэгтэй бас аз жаргалтай хангалуун нэгэн бүлийн эзэгтэй байх нь!» гэж Нарикод бодогдоод явчхав.
Хараажаар намуун амгалан гэр бүлд өсөж хүмүүжээд одоо ч бас нөхөр, хүүхдүүдтэйгээ амар тайван аж төрж байгаа хүн юм даа. Иймдээ ч царай нь төвшин, намайг ихэрхүү зантай хүмүүжүүлэгч шиг харахгүй, өөрийгөө бүр хүүхэд шиг чөлөөтэй авч явах юм гэж бодлоо.
— Та хэдэн настай вэ? гэж Акияма талх хазах зуураа асуув.
— Хорин дөрөв гэж идэж байсан бяслагаа хурдхан залгиад Нарико хариулав.
— Нөхрөөсөө хагацахдаа би мөн л хорин дөрвөн настай байжээ. Тэр амь үрэгдсэн юм.
— Юу гэнэ ээ! Танай нөхөр амь үрэгдсэн юм уу? Тэгэхээр та ганцаараа амьдардаг уу?
— Үгүй, надад эцгийгээ хэзээ ч үзээгүй хүү минь бий. Тэр удахгүй гэрлэнэ.
Энэ бүх гэнэтийн явдалд Нарико сандарчээ. Тэр Акиямагийн гар дахь бөгжийг хараад авав...
