Зохиолч: Ярослав Ивашкевич
Орчуулагч: Б. Ринчен
Ангилал: Польш уран зохиол
Хэвлэлийн газар: Улсын хэвлэлийн газар
Хонхны дуу сүрхий, зоригтойхон дарж байгаа нь, өчигдрийн нэг сүрхий зоригтой харц санагдууллаа. Хүний нүдний харцыг анх ажихад, хэтийн шинж нь ямар болохын байдал олонход мэдэгддэг тул, тэр урьд үзээгүй нүдний харцанд аль хэдийн дотроо хүсэмжлэн горилж явсан бүхэн цөм шингээстэй мэт харагдаж, санамсаргүй жаргалын сүрхий тохиол учирсанд нь цочирдоод өөдөөс нь хүсэн даллах харцаар харж зүрхэлсэнгүй авч, үлэмжийн их хайрын тохиол ноогдлоо гэж ухаарлаа. Сэтгэл ухаанд нь ургасан тэр мэдрэлийг зүйрлэвэл, хувилахуй ухааны хүн, онолын хувьд учир байдлыг тунгаан олохоосоо өмнө урьд огт мэдээгүй нэг юм бий болгосондоо сэтгэлд нь хачин сонин болдогтой адилшаамаар ухаан мэдрэл төржээ...
