Зохиолч: П. П. Бажов
Орчуулагч: У. Дамдинсүрэн
Ангилал: Оросын уран зохиол
Хэвлэлийн газар: Улсын хэвлэлийн газар
Энийг манай өвгөчүүл надад ярьдаг байсан юм. Олон жил өнгөрсөн боловч хамжлагат ёсыг халснаас хойш болсон явдал ажээ.
Тэр үед Бага гарт гэдэг хочтой Тимоха гэгч хүн эндхийн заводод ажил хийж амь зуудаг байжээ. Насаа ахисан хойно ийм хочтой болсон хүн юм гэдэг.
Үнэнийг хэлэхэд, чамлахаар жижиг гартай хүн биш билээ. Хүн бүрд тийм гар заяадаг бол баавгайн анд гарахад хутгатай явахад л болох биз.
Тимоха бяртай, ажилд чадмаг, авхаалжтай, хүний хийж үзүүлсэн бүгдийг дор нь сурч, хэнээс ч дутахгүй хийж чадна...
