Зохиолч: П. П. Бажов
Орчуулагч: У. Дамдинсүрэн
Ангилал: Ангилалгүй
Хэвлэлийн газар: Улсын хэвлэлийн газар
— Тэр үед Каслид Шарло гэгч нэгэн зураач аж төрж байжээ. Францын довтолгоонд явж байгаад манай нутагт хоцорсон бил үү, эсвэл тэр зураачийг зориуд урьж авчирсан бил үү, би түүнийг мэдэхгүй юм. Хамжлагаас чөлөөтэй, гэрээгээр ажил хийж мөнгө олж амь зуудаг хүн байжээ. Нас залуу, царайлаг, хийдэг ажилдаа чадварлаг, гагцхүү бие муутай хүн байсан гэлцдэг. Ганц бие залуу хүнд уйтгартай байдаг нь мэдээж. Тэгээд Каслийн заводын нэг хүүхнийг хайж олжээ. Юуны өмнө тэр хүүхнийг хамжлагаас чөлөөлж авах хэрэгтэй байж. Базаах мөнгөгүй, бас тэр үеийн ёс горимыг мэддэггүй байгаа биз, нэг их санаанд орсонгүй ажээ.
— Энэ хялбар хэрэг ээ. Сүүлд л чөлөөлөөд авна биз гэж Зотовын хань хамсаатнууд хэлжээ.
Зураач залуу тэдний үгэнд найдаж охинтой гэрлэжээ...
