Зохиолч: А. АНАНЬЕВ Ф. ТУЛИНОВ
Орчуулагч: Н. Пүрэвжав
Ангилал: Хууль, эрх зүй улс төр цэрэг дайны сэдэвт
Хэвлэлийн газар: Улсын хэвлэлийн газар
1944 оны намар Зөвлөлтийн цэрэг гитлерийн зандалчдыг Латвиас хөөн зайлуулах тэр үеэр ЗСБН Латви улсын Онцгой комисс байгуулагдав.
Үй олон хүний амь насыг хөнөөсөн Анчупанийн толгодоос тэр комисс булшны хоосон нүх олжээ. Тэр нүхнүүдийн ойролцоо элсэн хөрсийг бууны сум сийчин хөндийлсөн байлаа. Хүмүүсийн хүүрийг шатаасан тэр газар чулуужсан яс, нүдний шил, гутлын өсгийнөөс үлдсэн төмрийн үлдэгдэл болсон фашистын зэрлэг яргаллын бусад маргашгүй ул мөр олджээ. Фашистын зандалчид, Латви болон ЗХУ-ын түр булаан эзлэгдсэн бусад газар нутгийн хаана ч гэсэн нэгэн адил хүн амынх нь тэн хагасыг хүчээр даран устгаж, үлдсэн хэсгийг нь «Цэвэр арьстан» ноёдыг үйлчлэх зарц болгон хувиргах тухай Гитлерийн бодлогыг тууштай баримталсаар л байсан ажээ. Шорон, хорих лагерийг... баривчлагдсан хүмүүсээр дүүргэж байв. Харин тэндээс нэг бол Анчупанийн толгодын хүйтэн нүх рүү, эсвэл Германы цөллөг рүү явах хоёрхон замтай байсан...
